Emisioni “Open” i gazetares Eni Vasili është shoqëruar mbrëmjen e sotme nga debati mes deputetes së PS-së Elisa Spiropali dhe deputetit të PD-së Ervin Salianji.
Më poshtë debati mes dy deputetëve:
Spiropali: Buxheti i shtetit dhe tarifa e studentëve janë dy nga përfitimet e universitetit. S’ka kërkim shkencor ka pedagogë që janë marrë në punë pa meritë me kritere të caktuara, p.sh se i kanë njohur etj. Ka rektorë që refuzojnë të zbatojnë ligjin dhe kjo duhet parë.
Salianji: Nga kjo janë lodhur shqiptarët se thonë pse rektori i bën rezistencë ligjit. Merre dhe fute në burg.
Shpresa e shqiptarit është shuar për shkak të kësaj mosbarazie për shkak se dalin ca duke thënë ju jeni budallenj, për shkak se ju marrin paratë nga xhepi.
Spiropali: Juve thoni “o djem rrëmbeni armët, ja vdekje, ja liri”. Kjo është alternativa juaj. Ne ju themi ejani të gjejmë zgjidhje. Për ata që e kanë mesataren 9-10 e kanë tarifën 100% falas sepse ne duam meritokracinë.
