Një shtetas shqiptar është arrestuar nga policia britanike, pasi tentoi të fuste ilegalisht një grup refugjatësh.
Bëhet fjalë për 27-vjeçarin, Dhurim Bucuri.
Ky i fundit u ndalua, pasi në makinën me të cilën udhëtonte, u gjetën 4 klandestinë, të cilët i kishte marrë në Dublin.
Ai tentoi të mashtronte policinë, duke thënë se këta persona ishin alpinistë italianë.
Në lidhje me këtë ngjarje, gjykata e dënoi Bucurin me 3 vite heqje lirie.
Shqiptari kishte shkelur për herë të parë tokën britanike në vitin 2013, duke përdorur dokumenta fallco italiane.
Në këtë periudhë, ai ishte arrestuar, pasi u kap duke drejtuar mjetin në gjendje të dehur.
Mësohet se shqiptari u mundua t’ia hidhte policisë, duke i treguar dokumente identifikimi fallco greke.
Ndërkohë në 2016-ën, Bucuri u martua me një shtetase angleze.
