Pas publikimit të Paktit për Universitetin, Rama ka reaguar me anë të një postimi në Twitter ku shkruan se studentët mund të bëhen pjesë e dialogut.
“Ja linku ku mund të merrni pjesë në distancë në Dialogun për Universitetin. Do të gjeni draftin e punës së deritanishme me 8 PIKAT dhe mund të kontribuoni për përmirësimin e tij. Faleminderit paraprakisht edhe për çdo opinion a sugjerim përtej 8 PIKAVE”, është ky postimi i shkurtër i Kryeministrit.
***
Pas takimit në Vlorë, zbardhet Pakti për Universitetin i propozuar nga kryeministri
Pas përfundimit të takimit mes Kryeministrit Rama me studentët për më shumë se tre orë, në portalin “Shqipëria që duam” është publikuar pakti i propozuar nga kryeministri, por që pret dialogun e studentëve.
Kryeministri ka angazhuar disa grupe pune, të cilat po punojnë për dokumentin e një Pakti për Universitetin.
