Kryeministri Edi Rama ka nisur një takim me pedagogët e Fakultetit të Gjeologji-Minierave. Mësohet se takimi i Ramës me pedagogët ka nisur pak minuta më parë dhe po zhvillohet pa praninë e mediave.
Takimi zhvillohet me kërkesë të kryeministrit. Ky takim u paralajmërua disa ditë më parë nga Rama në takimin e zhvilluar me rektorë dhe dekanë, ku kryeministri iu tha: Do të shihemi shumë shpejt.
Rama u shpreh se ndoshta duket rishikuar autonomia që i është dhënë universiteteve nga ligji i ri i arsimit dhe se pasi protesta të mbarojë për sa kohë ai do të jetë në pushtet, do të jetë protestues për universitetin.
Takimi mes Ramës dhe pedagogëve po zhvillohet në ditën e 14-të të protestës së studentëve. Kryeministri ka ofruar për studentët plotësimin e 8 pikave që ata kërkojnë përmes hapjes së një procesi dialogu, ndërkohë që studentët refuzojnë dhe kërkojnë përmbushjen e 8 pikave në distancë.
