Një ditë pas ngjarjes së rëndë ku një 31-vjeçare e cila ishte në muajin e gjashtë të shtatzanisë së saj, humbi tre foshnjat e saj trinjake, në spitallin e Bulqizës ka dhënë dëshminë e saj, për gazetarin e Report tv.
31 vjeçarja , Enkeleda Rexhepi ka deklaruar nga ambientet e spitalit , për ate çfare ndodhi një ditë më parë duke thënë se kishte patuar vazhdimisht shqetësime gjatë periudhës së shtatzanisë së saj, ndërkohë që ka sqaruar situatën e paraqitur në spitalin e Bulqizës, duke thënë se dy nga foshnjat lindën të gjalla ndërsa i treti jo dhe se ata kanë vdekur pas një ore
Nën efektin e medikamenteve dhe mjekimeve 31 vjeçarja ka rrëfyer se nga ana e shërbimeve shëndetësore nuk ka patur mjekë gjinekolog që të asistonin në lindjen e fëmijëve të saj.
Dy fëmijë, lindën gjallë një i vdekur. Shqetësime kam patur gati çdo ditë. Vizitën e fundidit që shkova në Tiranë, më thanë të vij pas një muaji, Vizitat i kam bërë rregullisht, cdo dy javë. Herën e fundit që shkova në spital Ju thashë të më shtronin , më thanë se nuk ka nevojë, se ti nuk ke ndonjë problem serioz. Muajin e bëja neser. Nuk më jepnin garanci, edhe sikuar të shtrohesha ata Për të lind do lindin, nuk i mbajmë dot. Më thanë urojmë të arrish muajin e 7-të.
Enkeleda Rexhepi, nëna e trinjakëve
Në lidhje me këtë ngjarje ka folur edhe e ëma e cila sqaroi 31-vjeçarja është asistuar për lindjen e fëmijëve nga mjeku i përgjithshëm Fatos Hoxha dhe i kanë ardhur në ndihmë edhe infermieret e stafit mjekësor të spitalit.
“Dje stafi i spitalit të Bulqizës kanë bërë një shërbim të jashtëzakonshëm. Më shpëtuan jetën e fëmijës. Zona jonë është e thellë ka nevojë për shërbim e këtu nuk ka mjete gjinekelog”, u shpreh nëna e 37 vjeçares.
Enkeleda Rexhepi u paraqit në dje spitalin e Bulqizës me komplikacione lindjeje të parakohshëm. Nga fshati Ostren drejt Spitalit të Bulqizës, ajo ka udhëtuar për një orë me kal. Edhe me mbërritjen në Spitalin e Bulqizës ajo ka marrë ndihmë mjekësore vetëm nga një mjek i përgjithshëm dhe një mami, pasi në këtë spital nuk ka mjek gjinekolog. Për t’i ardhur në ndihmë janë dërguar edhe nga Tirana mjek me helikopter, por fundi ka qenë fatal pasi asnjë nga trinjakët nuk kanë mundur të mbijetojë.
