Për ish ministrin e Drejtësisë, Ylli Manjani zgjedhje vendore të 30 qershorit janë të rrezikuara.
“Zgjedhjet lokale që janë dekretuar tashmë për qershorin e ardhshëm janë të rrezikuara. Janë të rrezikuara jo nga Kodi Zgjedhor, as nga mungesa e ndryshimeve në të. Por thjesht nga qeveria. Janë tre elementë themelorë që i bëjnë zgjedhjet realisht gati të pamundura për tu mbajtur. E përsëris jo për faj të Kodit Zgjedhor as reformës zgjedhore.” Shkruan Manjani në një postim në facebook, ndërsa liston edhe tre faktorë që sipas tij rrezikojnë zgjedhjet e 30 qershorit dhe që nuk kanë lidhje me Kodin Zgjedhor.
