Tensionet mes Ukrainës dhe Rusisë janë rritur sërish. Presidenti ukrainas Petro Poroshenko është në panik të nisjes së një lufte të vërtetë në vendin e tij, gjë që e ka nxitur të marrë masa drastike.
Në të lëvizje të papritur, Poroshenko ka vendosur të ndalojë të kalojnë kufirin për të hyrë në vend të gjithë meshkujt rusë nga mosha 16 deri në 60 vjeç. Ukraina po zbaton një ndalim gjithëpërfshirës kalimi kufiri për meshkujt rusë të kësaj grupmoshe, të konsideruar “mosha luftarake”, duke përshkallëzuar një krizë midis dy pushteteve. Ndalimi i tyre ka për qëllim parandalimin e krijimit dhe forcimit të “ushtrive private” në vend, sipas Presidentit ukrainas Petro Poroshenko, i cili tha se tanket ruse po rreshtohen përgjatë kufirit mes dy vendeve, mes frikës nga shpërthimi i një lufte.
Ndalimi i kalimit të meshkujve rusë në kufi vjen pasi Kievi vendosi 30 ditë ligj ushtarak në dhjetë rajone të vendit, në përgatitje për një pushtim të mundshëm tokësor nga trupat e Presidentit Vladimir Putin. Tensionet mes Ukrainës dhe Rusisë ishin të larta edhe më parë, që pas aneksimit të Krimesë nga Rusia dhe rritjes së lëvizjeve separatistë në lindje të Ukrainës.
Por tensionet arritën kulmin tetë ditë më parë, kur 24 marinarë nga tri anije ukrainase u kapën në ngushticën e Kerch-it, me akuzat nga Rusia, se kishin shkelur kufirin e saj, pranë gadishullit të Krimesë. Ukraina këmbënguli që anijet e saj po vepronin në përputhje me rregullat ndërkombëtare detare.
Në një deklaratë për “Sky News”, Presidenti Poroshenko tregoi imazhet e tankeve ruse që grumbulloheshin afër vendit të tij, me një bazë për veturat e blinduara vetëm 18 km nga kufiri. “Duhet të jemi të përgatitur për të mbrojtur vendin tim”, tha ai. Ai ka kërkuar ndihmë nga NATO.
