Ismail Rebeshi është shqiptari i arrestuar në Viterbo të Italisë sinarkotrafikanti më i madh lidhur me krimin italian dhe atë shqiptar. 35-vjeçari, i cili pjesën më të madhe të kohës jetonte në kryeqytetin e krahinës në Tuscia, publikonte herë pas herë foto nga jeta e tij luksoze në rrjetet sociale.
Udhëtime, tatuazhe dhe puron që e kishte fiksim thuajse në çdo foto që publikonte, kjo ishte një pjesë nga jeta dinamike e shqiptarit.
Aktivitetetet ndë dukje të rregullta, klubi që zotëronte dhe depoja e makinave, i jepnin një mbulesë të mirë 35-vjeçarit.
Hetimet kanë zbuluar se 35 vjeçari ishte një nga katër furnizuesit kryesorë të bandës sardiniane të udhëhequr nga Sandro Arzu dhe Alessandro Ghisu. I pari ka kaluar 26 vite të jetës së tij në burg për vrasjen e babait, i dyti është arrestuar tashmë.
“Arzu dhe Ghisu ishin në krye të grupit më të fortë të dedikuar për trafikun e drogës në Sardenjë. Por ata vepruan gjithashtu në Lazio, Lombardi dhe jashtë saj, falë lidhjeve me Kamorrën, Ndrangheta dhe kriminalitetin e huaj. Trafikimi i drogës ishte shpërndarë në ishull dhe kishte kontakte me furnizuesit në Itali, Kolumbi dhe Shqipëri“, thotë hetuesi.
Nga nëntori 2017 deri në shkurt 2018, Rebeshi arriti të furnizonte grupin sardian me një 1 kg e gjysmë heroinë dhe 6 kilogram kokainë. Kokaina ishte e pastër në masën e 93%.
Në vetëm pesë muaj, midis shtatorit 2017 dhe shkurtit 2018, organizata do të kishte importuar rreth 85 kg drogë në Sardenjë. “Blerë nga tregtarët me shumicë në 3 milion e 400 mijë euro, në tregun me pakicë do të ketë sjellë 10 milionë euro”, nënvizoja policja.
Përfshirja e shqiptarit me drogën nuk është e re, pasi kur ishte 22 vjeç, ai u kap me 1 kg kokainë me vlerë 50 mijë euro.
Për këtë krim, ai u dënua përfundimisht me tre vjet burg dhe 10 mijë euro gjobë. Pesë vjet më vonë, në vitin 2010, Rebeshi përfundon sërish në pranga për trafikim ndërkombëtar të drogës. Ai u dënua dy vjet burgim dhe 4 mijë euro gjobë.
