Në ditën Ndërkombëtare për Eliminimin e Dhunës ndaj grave dhe vajzave, Presidenti Ilir Meta shprehet se, dhuna ndaj tyre nuk është burrëri por dobësi.
“Dhuna fizike e verbale ndaj grave dhe vajzave është dobësi! Nuk është burrëri! Është një plagë e shenjë turpi për shoqërinë, një pengesë e madhe për zhvillimin gjithëpërfshirës, të barabartë dhe të qëndrueshëm. Në Ditën Ndërkombëtare për Eliminimin e Dhunës ndaj Grave dhe Vajzave i bashkohem fushatës botërore ‘Ta ngjyrosim botën portokalli’ duke i dhënë sot në mbrëmje këtë ngjyrë Institucionit të Presidencës”, shprehet kreu i shtetit përmes një statusi në Facebook.
“Përsëris qëndrimin tim të palëkundur për të mos amnistuar asnjë të dënuar për vepra penale të dhunës në familje”, shtoi Presidenti.
