Detaje të reja në lidhje me itinerarin që kanë ndjekur tetë të arrestuarit për 580 kg kanabis të sekuestruar në pikën e kalimit kufitar në Qafë-Thanë. Gazetari i Report Tv, Arsen Rusta raporton se nga hetimet e nisura në fillimit të tetorit të këtij viti, ka rezultuar se 8 të arrestuarit e kanë blerë lëndën narkotike Cannabis Sativa dy ditë më parë në zonën e Tepelënës dhe se do ta dërgonin në Greqi nëpërmjet Maqedonisë. Burime nga grupi hetimor sqaruan më tej për gazetarin e Report Tv se kalimi i drogës do të bëhej konkretisht nëpërmjet liqenit të Ohrit, Maqedoni e pastaj në Greqi.
Të arrestuarit në flagrancë mësohet se do të dalin të shtunën ora 10:00 përpara Gjykatës së Krimeve të Rënda, nga ku prokurori Përparim Kulluri kërkon masën arrest me burg për të gjithë.
Një ndër 11 të arrestuarit, Andi Qiraxhi rezulton se ka qenë i përfshirë në ngjarjen e 25 nëntorit, që tronditi periferinë e Korçës. Me një tjetër person, Qiraxhi është pozicionuar përpara dhe ka sulmuar me breshëri në drejtim të një lokali me muzikë live me armë tip kallashnikov. Më pas, ai ka tentuar me bashkëpunëtorin e tij që të godasë me sopatë pronarin dhe administratorin e lokalit, i cili fatmirësisht shpëtoi nga sulmi në fjalë. Sipas policisë, motivi i kësaj ngjarjeje ishte konflikt i vjetër për motive të dobëta.
Andi Qirashi sëbashku me Arben Tristea, Eduard Haxhi, Erando Mehmeti, Gentjan Rapollari, Elvis Gjona, Andi Qiraxhi dhe Leonard Demiraj ranë në pranga më datë 21 nëntor, pasi u kapën në tentativa për të transportuar me një furgon 580 kg kanabis në Greqi. Fillimisht, destinacionet e tyre ishin Pogradeci dhe Korça. Ata nuk u ndaluan rastësisht në pikën doganore të Qafë-Thanës. Sipas policisë, ndjekja e furgonit me targa AA 356 NA, i rezultuar në pronësi të një firme fasonerie në Fier, është kryer nga forcat operacionale në terren që nga pika kur ai ka dalë me ngarkesë nga magazina dhe segmenti rrugor Fier-Qafë Thanë është ndjekur sipas tyre në dinamikë.
.jpg)
.jpg)
