Kryetarja e Lëvizjes Socialiste për Integrim, Monika Kryemadhi kërcënoi publikisht tri firmat e ndërtimit të përfshira në projektin e ndërtimit të unazës së re në zonën e Astirit.
I ftuar në “360 Gradë” në Ora News Kryemadhi tha “mos të guxojë asnjë njeri të çojë fadromat nga të treja firmat. Mos të guxojnë të çojnë fadromat tek shtëpitë e njerëzve sepse njerëzit do ta kenë personale me ta”.
“Qëndrimi i opozitës është shumë i qartë. Do jetë me njerëzit atje, do jetë me njerëzit. Mos të guxojë asnjë njeri të çojë fadromat nga të treja firmat.
Mos të guxojnë të çojnë fadromat tek shtëpitë e njerëzve sepse njerëzit do ta kenë personale me ta.
Sepse fadromat e tyre nuk mund të shkojnë tek shtëpitë e fukaranjve, le të shkojnë tek kullat e Edi Ramës.
Këtu janë 600 familje që përfshihen në këtë projekt skandaloz. Shkatërrojnë shtëpitë e shqiptarëve për të hapur sheshe ndërtimi”- tha Kryemadhi.
