Për rreth 14 ditë, banorët e Unazës së re, në zonën e Astirit protestojnë për projektin e ri, që do prishë banesat e tyre. Kulmi arriti sot, kur protesta e tyre e zhvendosur para Kuvendit la të plagosur disa efektivë të policisë.
Vlen të përmendet fakti se sa herë këto protesta degradojnë në këtë mënyrë, ku edhe efektivët që po bëjnë detyrën përfundojnë të plagosur ndodh me pjesëmarrjen e PD dhe LSI.
Kujtojmë këtu protestën e Rrugës së Kombit, apo edhe atë të opozitës në Maj (të fundit prej 7 muajsh), të cilat ndonëse u kaluan me incidente të vogla krijuan jo pak shqetësim.
Çfarë ndodhi sot:
Protestuesit qëlluan me kapsolla një efektive policie e cila mbeti e plagosur duke humbur 2 gishta. Efektivja quhet Ina Nuka dhe është vetëm 24 vjeçe. Gjendja shëndetësore e saj nuk bëhet ende me dije por vetëm një foto e saj nga shtrati i spitalit.
Momenti:
Edhe një efektiv tjetër i policisë mendohet të ketë humbur dëgjimin nga njëri vesh.
Më 15 Nëntor, banorët e Unazës protestojnë para Bashkisë:
Kryebashkiaku i Tiranës, Erion Veliaj ka reaguar pas protestës së mbajtur para bashkisë, nga ana e banorëve të Unazës së Re, të cilët preken nga projekti i Unazës së Madhe.
Ai publikoi fotografitë e efektivëve të policisë të lënduar gjatë përplasjes me protestuesit.
Protesta e “Rrugës së Kombit:
14 ishte numri i të plagosurve të punonjësve të policisë pas përleshjeve me qytetarët në “Rrugën e Kombit”. Të plagosurit janë 12 punonjës të FNSH dhe një oficer i qarkullimit.
Mes të plagosurve ishte edhe drejtori i policisë së Kukësit Perlat Vatoci, i cili është goditur me gurë dhe mjete të forta.
Protesta e opozitës në Maj:
Protesta e opozitës, e deklaruar si paqësore, nuk mundi që qëndrojë 100 përqind e tillë. Tre protestues u lënduan dhe 11 punonjës policie përfunduan në spital. Pjesëmarrësit në protestë mbërritën të acaruar tek godina e Ministrisë së Brendshme. Tymi shtoi kaosin dhe nxehu atmosferën, por kordoni policor nuk u kalua nga protestuesit.
Përgatiti: AlpeNews.al
