Duket se pas shirave të dendur në Shqipëri, ku mijëra hektarë tokë dhe qindra shtëpi u përmbytën gjatë ditëve që lamë pas, temperaturat pësuan ulje drastike dhe vendi u përfshi nga një mot i ftohtë.
Sinoptikanët paralajmërojnë dobësimin e reshjeve, që për fat mirë do të vijnë duke u pakësuar gjatë javës.
Gjithashtu mësohet se gjatë javës deri ditën e djelë temperaturat do të vazhdojnë të pësojnë ulje, në ndryshim nga java e kaluar.
Gjatë ditëve në vijim temperaturat do vijojnë të kapin pikën maksimale deri në 14 gradë celcius gjatë ditës si edhe do të zbresin nën zero gjatë natës. Përsa i përket fundjavës priten të rifillojnë reshjet, por jo në intensitetit e ditëve që lamë pas.
