Solidarizim të plotë me protesuesit e plagosur dhe me oficerët e Policisë së Shtetit. Në mes të protestuesve, civilë të cilët hidhnin kapsolla kundrejt kolegëve të tyre. Edi Rama të mos përdorë gratë dhe burrat e Policisë së Shtetit për interesat e tij politike. Oficerët e Policisë janë qytetarë të këtij vendi, ju bëj thirrje të mos keqpërdoren nga një Kryeministër kriminel.
Edi Rama është shkaktari kryesor i futjes së shqiptarëve në luftë dhe sherr me njeri-tjetrin. Edi Rama është shkaktari kryesor i provokimit të banorëve por edhe nga ana tjetër e Policisë së Shtetit. Të jeni të bindur, ne i suportojmë maksimalisht cilindo oficer i ciki përballet drejtpërdrejt me krimin e organizuar, por kurrsesi nuk mund të pranojmë një kryeministër që ka futur në një luftë të hapur qytetarët me policinë duke provokuar. I bëj thirrje, qoftë policisë së shtetit, qoftë qytetarëve të jenë të kujdesshëm sepse edhe qytetarët por dhe policia nuk e kanë me njëri-tjetrin. Policia nuk ka lidhje me banesat është Edi Rama që po u prish banesat. Problemi kryesor është Edi Rama dhe është shkaktari kryesor i kësaj situate.
Nga ana tjetër dua të distancohem nga segmente të caktuara të Policisë së Shtetit, ku në mënyrën më të ulët kanë bërë arrestime në mes të Tiranës, në mes të ditës duke shoqëruar njerëz sikur të ishin kriminelë dhe jo qytetarë në të drejtën e tyre.
Në këto momente duhet të ketë ruajtje qetësie nga të gjitha palët, nuk duhet të veprojnë si një organizatë kriminale. Kanë lënë kriminelët rrugëve dhe po merren me qytetarët të cilëve po iu merret prona. Duhet t’i kuptoni qytetarët të cilëve Rama po iu merr gjënë më të çmuar.
Edi Rama është ai që provokoi dhe mban përgjegjësinë kryesore. Nuk mundet një kryeministër të mbajë një fjalim aq banal. Si mundet një kryeministër të flasë me atë gjuhë për qytetarët e vendit?! Shkon u prish shtëpinë, i vjedh duke u marrë taksa e duke u çuar sekserët për legalizim prone dhe nga ana tjetër i ofendon në Parlament.
I bëj thirrje Ministrit të Brendshëm, të jetë i kujdesshëm të mos bjerë në grackën e Ramës, por të zbatojë detyrën e Ministrit të Brendshëm ashtu siç i takon atij sepse nuk ka asnjë përfaqësues politik të paktën unë flas në emër të LSI, që të ketë ushtruar dhunë. Ne kemi qenë në një takim, për të folur mbi buxhetin e kësaj qeverie kriminale, në momentin që kemi parë që turma është provokuar nga deklaratat, kemi dalë për të qetësuar situatën.
Është e papranueshme që Ministri i Brendshëm të thotë që ka pjesëmarrës nga opozita që kanë ushtruar. Ndaluam pasi po ushtrohej dhunë mbi qytetarët, patrullat e Shqiponjës po i merrnin zvarr…
