Një mjeke në spitalin e Beratit është shpallur fajtore për mjekim të pakujdesshëm të një fëmije 3 vjeçar në janar të vitit të shkuar.
Mjekja Shpresa Karkanjozi, akuzohet për “mjekim të pakujdesshëm”,që solli vdekjen e një fëmije 3-vjeçe në Repartin e Peditrisë së Spitalit Rajonal Berat në 23 janar të vitit 2017.
Prokurori Dritan Gripshi, kërkoi më 7 nëntor, dënimin e mjekes me 4 vite burgim, ndërsa në seancën e sotme u dëgjuan konkluzionet e palës mbrojtëse dhe vetë të pandehurës. Në përfundim, gjyqtari Agron Vavla, e shpalli fajtore mjeken duke e dënuar me 1 vit burgim, që konvertohet me dy vite shërbim prove.
Gjyqtari Vavla vendosi gjithashtu edhe dënimin plotësues me heqjen e të drejtës së ushtrimit të profesionit të mjekut për 2-vjet.
Çifti Anila dhe Xhevair Dërrasa çuan në Repartin e Pediatrisë vajzën e vogël, pasi ishte prekur nga viroza e gripit. Prindërit akuzojnë mjekët se nuk i bën trajtimin e duhur vajzës, ndërsa hedhin dyshime se serumi i fundit, i ka shkaktuar reaksion.
