Blendi Gonxhe emerohet drejtori i ri i Patentave. Gonxhe ka qene deri me dje drejtor ne Bashkine e Tiranes, ne krye te Agjencise për Parqet dhe Gjelbërimin.
Sipas “News 24”, Gonxhe eshte emri i zgjedhur ne kete detyre pak dite pas doreheqjes nga ky post i Arben Isaraj, i cili dha doreheqjen pas arrestimit te vellait te tij.
Me 22 tetor, me anë të një shkrese zyrtare, Drejtori i Patentave, Arben Isaraj, ka dhënë dorëheqjen pas arrestimit të vëllait të tij për trafik narkotikësh.
Në letrën drejtuar Ministrit për Energjinë dhe Infrastrukturën, Isaraj, kërkon që të largohet nga detyra e tij për të mos ndikuar në procesin gjyqësor të vëllait.
Kujtojmë se vëllai i drejtorit të Patentave, Altin Isaraj, u la në masën arrest me burg nga Gjykata pasi akuzohet si pjesë e grupeve kriminale të trafikut të kokainës. Gjatë kontrollit atij iu sekuestrua edhe një armë tip pistoletë të cilën e posedonte pa leje.
LETRA E PLOTË E ISARAJT
Zotit Damian Gjiknuri
Ministër i Energjetikes dhe Infrastrukturës
Për dijeni:
Zotit Edi Rama
Kryeministri i Republikës
Ditën e shtunë, datë 21 tetor, vëllai im, Altin Isaraj, 47 vjeç është ndaluar, shoqëruar dhe referuar nga Policia e Shtetit në organin e Prokurorisë, për dy vepra penale.
Për të mos ndikuar direkt apo indirekt, me pozicionin tim të lartë administrativ, në pavarësinë dhe dhënien e drejtësisë në Shqipëri, jap dorëheqjen nga pozicioni i drejtorit të Përgjithshëm në Drejtorinë e Përgjithshme të Transportit Rrugor.
Mbetem në pritje të vlerësimit dhe gjykimit tuaj.
Me këtë rast, me mirëkuptoni në vendimin tim si dhe pranonin konsideratën time më të lartë, për bashkëpunim e deritanishëm ligjor, profesional dhe institucional.
