Gazetari saudit Jamal Khashoggi mund të dëgjohet duke urdhëruar vrasësit e tij që ta lirojnë në regjistrimin audio të vrasjes së tij, sipas mediave turke. Në regjistrim, gazetari 59-vjeçar quhet “tradhtar” nga vrasësit e tij dhe se ‘do të japë llogari’. Audio gjithashtu përfshin bisedat mes të ashtuquajturit ‘skuadër goditësit’ dhe një prej tyre që mbante veshjen e Khashoggit.
Gazetari i Uashington Postit u pa për herë të fundit duke hyrë në ndërtesë më 2 tetor për të marrë dokumenta për martesën e tij të ardhshme me të fejuarën turke.
Sipas zyrtarëve turk, regjistrimi audio tregon se Khashoggi u mbyt deri në vdekje dhe më pas trupi i tij u shpërbë shpejt pas hyrjes në konsullatë.
Gazetari mund të dëgjohet teksa thotë: Lëshoje krahun tim! Çfarë mendoni se po bëni ?
Kjo pasohet nga ‘një grindje verbale, zhurma e një lufte fizike dhe pastaj rrahja dhe tortura’, raportoi, Hurriyet Daily News.
Më shumë se një orë pasi Khashoggi hyn në konsullatë, një zë mashkulli mund të dëgjohet duke thënë: ‘Është drithëruese të veshesh rrobat e një njeriu që kemi vrarë 20 minuta më parë’.
Ai ankohet për një këpucë të Khashoggit që është shumë e vogël dhe i thuhet se atij i lejohet të vesh pantallonat e tij.
Mendohet se ai që flet në audio është një njeri i identifikuar nga zyrtarët turq si Mustafa al-Madani, i cili u kap në CCTV duke ecur nga xhamia e famshme e Stambollit me rrobat e Khashoggit disa orë më vonë.
Arabia Saudite ka dhënë versione të ndryshme për atë që ndodhi, fillimisht duke thënë se Khashoggi u largua nga ambasada pas marrjes së dokumenteve të tij dhe më vonë u vra pas debatit.
Në versionin më të fundit, prokurori saudit tha se një ekip prej 15 anëtarësh shkoi në Stamboll për të sjellë Khashoggin përsëri në mbretëri ‘me anë të bindjes’, por më pas e vrau.
