Një 42-vjeçar italian është arrestuar në shtëpinë e tij në Grottaglie të Tarantos në Itali, pasi ndaj tij rëndonte një urdhër-arrest i lëshuar nga drejtësia shqiptare.
Mediet italiane nuk kanë dhënë detaje për identitetin e tij, por sqarojnë se ai ishte i dënuar në Shqipëri për akuzën e mashtrimit, pasi kishte ngritur një shoqëri fiktive transporti në vlerën e 13 mijë eurove.
Ai ndodhet tashmë në qeli dhe pritet vendimi i gjykatës për të vendosur nëse 42-vjeçari do të ekstradohet apo jo drejt Shqipërisë.
