Sezoni përfundimtar i dramës politike “House of Cards” do t’i ketë vetëm tetë episode, dhe në të nuk do të ketë kurrfarë roli ish-ylli kryesor i serisë, Kevin Spacey, ka bërë të ditur Netflix. Robin Wright do të jetë aktorja kryesore në sezonin e ri dhe të fundit, ka njoftuar shefi i programit në Netflix, Ted Sarandos.
Kështu, vëmendja kryesore do të jetë mbi personazhin Claire Underwood – bashkëshorten e politikanit kriminel Frank Underwood, rolin e të cilit e luante Spacey.
“Jemi të lumtur që do t’i sjellim një përfundim shikuesve tanë”, ka thënë Sarandos. Netflix ka ndërprerë bashkëpunimin me aktorin Spacey në nëntor, pas akuzave ndaj tij për ngacmim seksual./ express
