Një 27-vjeçar është vënë në pranga nga policia e Durrësit pasi qarkullonte me armë zjarri pa leje në ambientet publike. Ngjarja ndodhi paraditen e sotme dhe sipas informacionit zyrtar, Artan Dema është arrestuar nga policia pas një konflikti të ndodhur në lagjen 14 të Durrësit. Dema ka pasur një konflikt me shtetasin me iniciale S.B. 27-vjeçari do të përballet me akuzën “Prodhimi dhe mbajtja pa leje e armëve luftarake dhe e municionit , në ambiente publike” si dhe “plagosje e lehtë me dashje”.
Pistoleta që ju sekuestrua Artan Demës
Njoftimi i Policisë
Specialistët për Krimet në Komisariatin e Policisë Durrës kanë arrestuar në flagrancë shtetasin:
• Artan Dema 27 vjeç, banues në Durrës.
Uniformat blu kanë marrë informacion për një konflikt në një lokal në lagjen nr.14 Durrës, ku kanē ndërhyrë menjëherë dhe gjatë kontrollit është konstatuar se shtetasi A.Dema ishte konfliktuar për motive të dobëta me shtetasin S.B. dhe dispononte një armë zjarri tip pitosletë pa leje, e cila është sekuestruar në cilësinë e provës materiale.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Prodhimi dhe mbajtja pa leje e armëve luftarake dhe e municionit , në ambiente publike” në ngarkim të shtetasit A.Dema parashikuar në nenin 278/5 të Kodit Penal dhe ” Plagosja e lehtë me dashje” në ngarkim të shtetasit S.B. parashikuar në nenin 89 të Kodit Penal.
