Prej kohës i ka munguar skenës politike por edhe televizionit. Dhe ja më në fund ish-kryetarja e Parlamentit, Jozefina Topalli vendosi të vijë te Rudina për një intervistë mbi veten, Shkodrën dhe politikën.
Çuditërisht ajo u shpreh se nuk e ndjek më parlamentin e Shqipërisë.
“Më jep një zhgënjim të thellë, një ndjenjë trishtimi, gati në dëshpërim dhe bëj pyetjen pse”.
Moderatorja e pyeti nëse e ka menduar kthimin në politikë, dhe Jozefina nuk tha “jo”, por renditi 3 arsyet që do ta rikthenin në politikë.
“Thonë që s’duhet të thuash kurrë jo, se s’i dihet. Më tërheq politika, për arsye njerëzore. Çdo person e mendon kur sheh se vendi po braktiset dhe shifrat janë alarmante, ky është vendi ku kemi ndërtuar ëndrrat dhe nuk ka një nënë në Shqipëri që nuk do ta ketë fëmijën afër.
Kjo është një arsye e fortë, pastaj e dyta janë të rinjtë që përfundojnë në burgje, pjesa më e varfër e tyre, jo për fajin e tyre. E treta, ndonëse disa kanë ikur, një pjesë e rëndësishme e vendit tonë, ata që kanë mbetur, e ndiejnë veten në kushte dëshpëruese. Historia jonë ka qenë tragjike në tëresi por prap kemi pasur shpresë. Kjo është hera e parë që jemi në dëshpërim”.
Jozefina Topalli u shpreh e zhgënjyer nga politika dhe tha se skema politike duhet përmbysur me ëndrrën shpresën për të ndërtuar vendin tonë
