Ish-ministri i Brendshëm Saimir Tahiri është paraqitur në Prokurorinë e Krimeve të Rënda. Ashtu siç ishte përcaktuar më herët, Tahiri u paraqit tek Krimet e Rënda në orën 13:00.
Vetë ish-ministri konfirmoi për gazetaren e News24 dhe BalkanWeb, Klodiana Lala, se do të paraqesë prova të reja.
Tahiri u shoqërua nga avokati i tij Maks Haxhia.
Ende nuk dihet se për çfarë çështje do të jenë provat që ish-ministri do paraqesë në Prokurori.
Të premten Saimir Tahiri paralajmëroi një konferencë për shtyp, por të cilën e anulloi.
Kujtojme se Krimet e Rënda kanë shtyrë hetimet për Tahirin deri në muajin janar, ndërsa më pas do të vendoset edhe ‘fati’ i tij, lidhur me akuzat për përfshirje në tafikun e drogës me bandën ‘Habilaj’.
