Një ngjarje e rëndë ndodhi mëngjesin e sotëm në Gjirokastër ku një 35 vjeçar i minoritetit grek qëlloi mbi policinë, e më pas RENEA qëlloi mbi të duke e lënë kështu të vdekur.
Siç edhe policia e shtetit e shpjegoi më vonë, 35 vjeçari kishte qëlluar 30 herë mbi ta duke mos i lënë mundësi tjetër.
Rastet e tilla nuk janë të pakta në Shqipëri, ndoshta jo të rënda sa ky i fundit por mbi të përbashkëten e “trimave” që qëlluan mbi policinë.
Alpenews.al ju sell disa nga rastet ku “trimat” kanë që llluar mbi efektivët e policisë:
Çfarë ndodhi sot:
Forcat speciale RENEA kanë vrarë 35-vjeçarin Kostandinos Kaçifa, i cili sulmoi me armë policinë ditën e sotme në fshatin Bularat të Dropullit në Gjirokastër.
Mes tij dhe forcave speciale ka pasur shkëmbim të ashpër zjarri, duke u rrezikuar seriozisht edhe jeta e efektivëve të RENEA-s.
Kjo ndikohej edhe për shkak të terrenit të vështirë malor, ku mundësia e mbrojtjes së uniformave blu ishte e ulët. Forcat RENEA intensifikuan shkëmbimin e zjarrit ndaj 35-vjeçarit, duke e lënë të vrarë.
17 shtator 2017
Policia e Vlorës arrestoi një 50-vjeçar, pasi ka qëlluar me armë në drejtim të punonjësve të policisë.
Bëhet fjalë për Timoleon Babi, banues në Sarandë, i cili pranë hotelit në pronësi të tij në lagjen ”Nr.1” kishte pushtuar një sipërfaqe të konsiderueshme toke, në mënyrë të paligjshme.
20 korrik 2016
Babë e bir, janë arrestuar nga policia në Memaliaj pasi kanë qëlluar me armë në drejtim të forcave të rendit.
Në pranga përfunduan Luan Shyti, 47 vjeç, dhe i biri, Halili 21 vjeç. Banues në fshatin Krahës. Ata qëlluan me armë në drejtim të policisë pasi u janë gjetur parcela me kanabis. Forcat e rendit sekuestruan edhe dy armë gjahu pa leje.
27 nëntor 2016
Një 25 – vjeçar i kërkuar pasi është dënuar me 8 vjet burg i shpëtoi arrestimit të policisë së Lezhës.
Amarildo Ndoj u lokalizua në Kodër Rrëshen, por ai nuk pranoi të dorëzohej.
25 – vjeçari nxorri një pistoletë që kishte me vete dhe pasi kanosi një punonjës të policisë qëlloi në ajër dhe u largua me vrap, duke përfituar nga errësira dhe terreni malor.
/AlpeNews.al
