Një ngjarje e pazakontë ka ndodhur në një bregdet në New South Wales.
Një shofer i paidentifikuar ka hyrë me makinën e tij të tipit ‘Subaru WRX’ në mes të valëve në plazhin në ‘Port Macquarie’.
Të gjithë personat që ndodheshin aty mbetën të habitur teksa shikonin shoferin duke bërë xhiro me ujë. Nuk dihet arsyeja përse e ka bërë këtë, por duket se ai ka harruar se mund të rrezikonte bllokimin e makinës në rërë apo përmbytjen në ujë.
Fatmirësisht ai nuk pësoi asnjë dëmtim. Pamjet janë realizuar nga rojet e shpëtimit të plazhit. Pati komente të shumta për këtë rast, ndër të cilat thuhej se ‘mbase i nevojitej një freskim’ dhe ‘nuk kishte kohë ta çonte për tu larë’.
