Deputeti demokrat, Ervin Salianji mohon akuzat se është financuar nga Greqia. Ligjvënësi shprehet se raportimet në media për një listë personazhesh që pretendohet se kanë marrë para nga fondet sekrete të Ministrisë së Jashtme greke, ka dalë nga qeveria.
“Unë i përfshirë pisët në këtë listë te financuar nga qeveria Shqiptare deklaroj me përgjegjësi të plotë që asnjë cent dhe asnjë lidhje nuk kam me këtë histori, kushdo që përfiton para të paligjshme për më tepër nga një shtet tjetër duhet të dënohet për tradhti kombëtare dhe te flaket nga politika dhe institucionet”, shprehet deputeti.
“Janë lista që dukshëm janë publikuar për të shmangur vëmendjen nga thelbi i çështjes”, shton ai, “meqë qeveria ka bërë një listë për te bere pis dhe ngatërruar shqiptaret, tregon që ka interes të madh për tymnajë”.
“Shqiptarët sot duhet ta dinë që 54 milion Euro mund të përdoren lehtësisht për të ndikuar negociatorët apo ministrin e negociatave me detin, konteksti i ri i bën problematike deklaratat që Greqia e ka zgjeruar me 12 milje hapësirën detare të saj”, shkruan deputeti demokrat në një status në Facebook.
