Qeveria shqiptare ka vendosur që të mbështesë financiarisht të gjithë ekselentët që kanë zgjedhur degën e mësuesisë.
Këta të fundit jo vetëm nuk do të paguajnë tarifë studimi, por do të marrin edhe një bursë rreth 1000 USD në vit.
Në një takim me studentët ekselentë të degës së mësuesisë, Kryeministri Edi Rama, theksoi dallimin me të shkuarën ku sipas tij, mësuesia ishte kthyer në në strehë të nxënësve të dobët me mesatare notën pesë.
“Mësuesia ishte kthyher në strehë për nxënësit më të dobët dhe për shumë e shumë vite ishte një fidanishte pa asnjë ciëlsi që ka ndikuar jashtëzakonisht keq në ecurinë e arsmit tonë. Mësuesia përthithte për vite të tëra më të dobëtit. Bursa e qeverisë do të mbështesë gjithë studentët ekselentë për nevojat e vitit shkollor, që janë garancia e së nesërmes”, tha Rama.
Plot 3 283 maturantë, të gjithë me mesatare mbi 7 dhe midis tyre 258 me mesatare mbi 9, janë zgjedhur të formohen për të shërbyer si mësues.
Ndërkohë, siç shtoi Kryeministri, ka vijuar stimulimi i mësuesve aktualë përmes trajnimeve të financuara nga shteti.
