Falmur Avdyli, i arrestuar dje gjatë një operacioni të gjerë të policisë, është lënë sot i lirë.
Avdyli është parë të dalë nga Drejtoria e Policisë së Tiranës pak minuta më parë, i shoqëruar nga një person tjetër.
Policia blindon Durrësin e Shijakun, goditen nga forca e ligjit krerë të grupeve kriminale. Prokuroria ka nxjerr urdhër arresti për anëtaret e familjes Avdyli në Shijak. Mësohet se të arrestuarit akuzohen për trafik ndërkombëtar heroine.
Sipas policisë, në pranga kanë përfunduar; Flamur Avdyli, Astrit Avdyli, Jasim Avdyli, Shkëlqim Avdyli, Fatos Llaftiu dhe Shaqir Gjepali. Mes të arrestuarve është edhe H. Hoxha i dënuar në Turqi për trafik heroine. Ndërkohë që në kuadër të këtij operacioni janë shoqëruar mbi 20 persona të tjerë. Të arrestuarit janë dërguar në Drejtorinë e Policisë së Tiranës pas arrestimit.
Familja Avdyli është një mbiemër i njohur, pasi zotëron disa biznese të fuqishme në qytetin bregdetar të Durrësit, mes tyre kompania “Orges Albania 2016′ një hoteli luksoz ‘Germany’ si dhe disa lokale luksoze në Durrës. Anëtaret e familjes Avdyli akuzohen për trafik ndërkombëtar heroine dhe së bashku me persona të tjerë të arrestuar kanë organizuar një organizatë kriminale.
