Ministri i Jashtëm turk, Mevlut Çavusoglu, është pritur sot nga Presidenti Ilir Meta.
Gjatë takimit, Meta ka vlerësuar marrëdhëniet e shkëlqyera midis dy vendeve si dhe ka shprehur mirënjohjen për ndihmën dhe mbështetjen që Turqia i ka dhënë Shqipërisë.
Presidenti nënvizoi se Turqia mbetet një nga partnerët kryesorë ekonomik e tregtar për Shqipërinë, e gjithashtu vlerësoi vëmendjen që Presidenti Erdogan i kushton këtij bashkëpunimi.
Ndër të tjera, Meta i shprehu Çavusoglut mirënjohjen për mbështetjen që Turqia ka dhënë për njohjen e pavarësisë dhe anëtarësimin e Kosovës në organizatat rajonale dhe ato ndërkombëtare.
Ministri i Jashtëm turk, Mevlut Çavusoglu, i ndodhur për një vizitë zyrtare në Shqipëri, pak më herët është takuar me homologun e tij, Ditmir Bushatin.
