Ditën e nesërme në orën 21:00 në ekranin e Top Channel do të nisë transmetimi i programit më të ri të kuzhinës, ‘Hell’s Kitchen’. Shefi Renato Mekolli, që njëkohësisht do të jetë edhe moderator, ka publikuar videon promovuese me momente nga puntata e parë.
Më herët ai është shprehur se do të ketë shumë tension dhe emocione gjatë minutave të transmetimit. Video në fjalë i vërteton fjalët e tij, prandaj puntata e parë e programit nuk duhet humbur për asnjë arsye. Kujtojmë se ky program do të ketë si bazë konkurimin mes disa kuzhinerëve dhe Renato do të jetë udhëheqësi i tyre drejt perfeksionit në gatim.
