Ka mbërritur në Tiranë 54 vjeçari Luan Caka i sëmurë nga fshati Gllavë nga ku familjarët e tij kërkuan ndihmë nga shteti. Këtë gjë e bën të ditur ministrja e Shëndetësisë Ogerta Manastirliu nëpërmjet një postimi në rrjetin e saj social Facebook.
“Një tjetër jetë e shpëtuar nga ekipi i palodhur i Njësisë së Helikopterëve në Gllavë të Tepelenës, ku uji i rrëmbyer e bënte të pamundur kalimin e autoambulancës. Luan Caka, 54 vjeç, me probleme të rënda kardiake para pak minutash u transportua drejt QSUT dhe është nën kujdesin e mjekëve #ShëndetësiaNëGadishmëri”, shkruan ministrja në statusin e postuar prej saj./AlpeNews.al/
