Ish-ministri i Drejtësisë Ylli Manjani ka reaguar disa momente më parë në lidhje me letrën e përfaqësuesit të OSBE Harlem Désir drejtuar Kryeministrit Edi Rama.
Désir shprehu sot shqetësimin në lidhje me ultimatumin e Ramës për mbylljen e portaleve në rast se nuk rregjistrohen, teksa ka shkruar se nisma mund të të ketë efekt shumë negativ në lirinë e medias.
Ish-ministri ka shkruar se OSBE qenka gjallë, dhe i paska kërkuar hesap dhe Kryeministrit.
“Gjallë qenka OSBE. Por ajo në Vienë se kjo në Tiranë s’nuk…! I paska kërkuar hesap Kryeministrit…”, shkruan Manjani duke shpërndarë dhe letrën e institucionit drejtuar Edi Ramës.
Përfaqëësuesi i OSBE u ka bërë thirrje autoriteteve shqiptare t’i rishikojnë këto masa, të shqyrtojnë të gjitha alternativat e mundshme për trajtimin e çështjes së shpifjes dhe të fillojnë një debat gjithëpërfshirës me aktorët relevantë të shoqërisë civile dhe medias.
