Deputeti i Partisë Socialiste, njëherësh dhe kryetar i Komisionit ë Ekonomisë, Erion Braçe, ka treguar sot se ka marrë kërcënime ditët e fundit.
I ftuar në emisionin Kafein në INTV, Braçe ka treguar se ka marrë 20-25 mesazhe nga njerëz të industrisë së bixhozit.
“Nuk ka ditë që nuk marr 20-25 mesazhe nga njerëz të kësaj industrie në këtë vend, janë kthyer në mesazhe të neveritshme dhe që ushtrojnë presion mbi deputetin e Kuvendit me lloj -lloj formash. Ata nuk mund të më presionojnë, pasi secili që ka shkruar, ka marrë përgjigje të qartë, pra mbyllja e të gjitha aktiviteteve të basteve sportive. Mbyllja e aktiviteteve të basteve sportive, lojërave online, nëpër lagje etj., ajo që kam propozuar është se shteti që do vendosë si do organizojë këtë aktivitet në rast se do ekzistojnë. Edhe kazinotë duhet t’i nënshtrohen një tatimi të ri” ishte kjo deklarata që dha për emisionin Kafein në INTV deputeti i PS-së Erion Braçe.
