17 tetori i çdo viti shënon Ditën Ndërkombëtare të Varfërisë.
Kombet e Bashkuara e kanë caktuar këtë datë që prej vitit 1993, për të ndërgjegjësuar njerëzit për nevojën e zhdukjes së varfërisë në mbarë botën dhe veçanërisht në vendet në zhvillim.
Organizata të ndryshme jo qeveritare dhe komunitetet e bamirësisë e mbështesin këtë ditë, duke u bërë thirrje drejtuesve dhe qeveritarëve që në axhendën e tyre lufta kundër varfërisë të ketë prioritet.
Ndonëse 17 tetor i 1993-shit njihet si dita zyrtare, në shumë vende të tjera të botës kjo ditë përkujtohet që nga viti 1987.
Në këtë datë, më shumë se 100 mijë persona u mblodhën në Paris për të nderuar viktimat e varfërisë ekstreme, dhunës dhe urisë.
