Vrasje, dhunë, vjedhje po shohim dhe dëgjojmë çdo ditë të cilat kanë tronditur opinionin publik duke e bërë të frikshme situatën në të cilën jetojmë.
Vrasje nga më të ndryshmet nga refuzimi i një vajze, vrasje për një karikues e deri te vrasja për një qen.
Por përse vrasin shqiptarët dhe përse vrasjen e realizojnë në forma makabre ndryshe nga një traditë krejt tjetër të mëparshme. Duke lexuar këto krime kuptojmë shumë se as varfëria, as qeveria, as media e as kush tjetër nuk i ka fajin shoqërisë shqiptare të kryejë vrasje në kufijtë e një çmendurie.
Alpenews.al ju sjell disa nga vrasjet makabër të ndodhura në Shqipëri:
Çfarë ndodhi sot:
1. 16 tetor 2018 Gjykata e Krimeve të Rënda zhvilloi sot seancën ndaj Bujar Kuçit, i cili në nëntor të vitit të shkuar vrau nipin e tij me thikë për një qen. Gjykata dëgjoi tri dëshmi, ndërsa vetë i pandehuri pranoi krimin, por tha se e kishte bërë për vetëmbrojtje.
2. MARS 1997
Në Lushnje vritet dhe më pas i pritet koka një personi. Autori shëtit në qytet me kokën e prerë në prani të kalimtarëve.
3. 15 MARS 1998
Në Qafë-Priskë në Tiranë gjendet në rrugë kufoma e një pedagogu të Inxhinierisë së Ndërtimit. Mirjan Bubsi. Mendohet se autorët e kanë mbytur me peshqir dhe më pas e kanë djegur kufomën.
4. 19 SHKURT 1999
Në qytetin “Studenti” gjendet e masakruar me një gurë në kokë studentja 21-vjeçare Kozeta Hyseni. Ajo studionte për gjuhë-letërsi në fakultetin Histori-Filologji.
5. 7 SHKURT 2001
Në afërsi të pallatit “Asllan Rusi” në Tiranë, një ish-punonjës i SHIK vret me pistoletë nënë e bijë për shkak se vajza refuzoi të martohej me të.
6. Në Bërxull të Tiranës babai vret të bijën 16-vjeçare pasi u largua një natë nga shtëpia. Në fillim ngjarja u mbajt si vdekje natyrale por policia arriti të zbulojë krimin. I ati u dënua me 18 muaj burg.
7. 15 SHKURT 2010
Kapet nga policia një person nga Librazhdi që kishte masakruar me sëpatë të ëmën 75 vjeç. Ai dyshohet kishte kryer edhe 4 vrase të tjera në fshat.
8.Ferdinand Ruko 52 vjeç nga Fieri, pasi e rreh dhe e zhvesh lakuriq bashkëshorten e tij Liljana Ruko, 43 vjeç, e hedh nga dritarja duke i shkaktuar vdekjen.
9.25 MAJ 2018 Vrasja e 22-vjeçarit Marv Mihali pas një sherri banal me thika pranë stadiumit “Selam Stermasi” në Tiranë ka tronditur mbarë opinionin publik dhe jo pa të drejtë, pasi ai u masakrua vetëm për një karikues celulari.
/AlpeNews.al