7000 fëmijë nën pesë vjeç vdesin çdo ditë në botë për shkaqe që lidhen me kequshqyerjen.
Alarmin e ka dhënë një raport i “Save the Children”, që ka lancuar fushatën globale me titullin “Deri në fund për Fëmijët ”.
Objektivi i kësaj fushate globale është për të ulur varfërinë në vende shumë të varfra apo në vende në konflikte lufte, ku fëmijët vazhdojnë të jenë të privuar nga ushqimi i mirë, uji i pastër dhe kurimet mjekësore.
Bazuar po në raport, 5.4 milionë fëmijë nën pesë vjeç vdesin çdo vit në nivel global, për shkak të sëmundjeve lehtësisht të shërueshme dhe të parandalueshme.
“Save the Children” ka shfaqur shqetësimin kryesisht për gjendjen e shtatë vendeve, ku përfshihet Somalia,Burundi dhe Siria.
