Autori i masakrës së Matit, Kujtim Koxha, do të dalë ditën e hënë para Gjykatës në Burrel.
Ai vrau 3 punonjësit e bashkisë Mat, Mentor Hoxha, Erzen Aliaj dhe Hamit Buçi dhe do akuzohet për vrasje ndaj dy ose më shumë personave, vepër penale që parashikon dënimin me burgim të përjetshëm.
Por ndërkohë që Kujtim Koxha qëndron në burgun e Burrelit, asnjë prej familjarëve të tij nuk ka shkuar për ta takuar. Familja, por edhe të afërmit e tjerë nuk kanë pranuar ta takojnë deri më tani. Kujtim Koxha para hetuesve nuk ka shfaqur pendesë për krimin e trefishtë që tronditi vendin.
Ai qëlloi ndaj punonjësve të bashkisë që ti çonin rrugën deri tek banesa e tij dhe ka debatuar me njërin prej tyre. Pas debatit, Kujtim Koxha ka marrë kallashnikovin duke vrarë 3 punonjës dhe plagosur një të katërt.
