Forcat e Armatosura të Kosovës kanë mbërritur në zonat e prekura nga përmbytjet. Gjashtë ekipe ushtarake nga shteti ynë fqinj janë në dispozicion të operacioneve të shpëtimit, në të gjitha zonat e prekura nga përmbytjet.
Drejtuesi i ekipeve udhëzon trupat për ndërhyrje të menjëhershmë në shtëpitë ku ka më tepër rrezik. E krahas kësaj ai thekson se vëmendja e tyre duhet të jetë e lartë edhe ndaj shtëpive me pak kate, kjo sepse ato janë më të shumta në fshatrat ku do të kryhet ndërhyrja.
Në videon e mëposhtme mund të shihni qartë sesi një grup forcash të ardhura nga Kosova shpëton një familje me shumë pjesëtarë, ndër to edhe fëmijë të vegjël. Ky operacion shpëtimi është një nga shumë të tillë që forcat e armatosura të Kosovës po kryejnë në vendin tonë./ Përgatiti: AlpeNews.al
