Një elektriçist humbi jetën teksa punonte në linjën e tensionit të lartë në Fier.
Elektriçisti Sadri Vlinga u godit më 30 nëntor nga tensioni i laryë dhe humbi jetën. Ngjarja ndodhi gjatë kryerjeve të punimeve në linjën e Fidrit nr.2 në Drizë
Lidhur me këtë ngjarje dy persona janë ndaluar ditëne sotme nga policia. Të ndaluarit janë Tafil Çepele dhe Tajar Zhupani elektriçistë. Dy elektriçistët ndalohen për “Shkelje të rregullave dhe mbrojtjes në punë.
Njoftimi i plotë:
Specialistët për Hetimin e Krimeve në Komisariatin e Policisë Fier ndaluan për veprën penale “Shkelje e rregullave të mbrojtjes në punë”, shtetasit: -Tafil Çepele, 63 vjeç, banues në Kuman, Roskovec (elektriçist). -Tajar Zhupani, 63 vjeç, banues në Marinëz, Roskovec (elektriçist).
Ndalimi i këtyre shtetasve u bë pasi në datën 30.11.3017, rreth orës 16:15, në fshatin Kurjan, Roskovec e konkretisht në linjën e fidrit nr 2 Drizë, gjatë kryerjes së punimeve, është goditur nga tensioni i lartë dhe për pasojë ka gjetur vdekjen elektriçisti shtetasi S.V.
Materialet i kaluan për hetime të mëtejshme Prokurorisë pranë Gjykatës së Shkallës së Parë për veprën penale “Shkelje e rregullave të mbrojtjes në punë”, parashikuar nga Neni 289 i Kodit Penal
