Lumi Vjosa del nga shtrati duke shkaktuar përmbytje në fshatrat Novosel, Misho dhe Vitore. Gjatë natës shirat kanë vijuar të bien me intensitet të lartë.
Në Vlorë shumë banesa janë përmbytur në orët e para të mengjesit. Për më shumë shikoni pamjet e gjendjes së rënduar në qytetet perreth lumit Vjosë, pasi ky i fundit doli nga shtrati.
Zonat më të prekura nga vërshimi i ujit në këto zona janë Frakulli në Fier dhe Novosela në Vlorë, ku janë angazhuar 500 forca të ushtrisë, të cilat që prej ditës së djeshme kanë evakuuar njerëz dhe gjënë e gjallë atje.
Sipas raportimeve, janë larguar me dhjetëra familje, ndërsa niveli i lumit po rritet me shpejtësi. Më të kërcënuar janë banorët e Novoselës. Ndërsa, siç e shikoni në pamje, uji në urën e Mifolit ka kaluar mbi sipërfaqen e urës.
Prefekti i qarkut të Vlorës, Flamur Mamaj është shprehur se i gjithë qarku i Vlorës është në gjëndje emergjente, ndërkohë që Novosela sipas tij, është në kushtet e emergjencës totale.
/AlpeNews.al/
