Një motor i braktisur është gjetur sot në zonën e Komunës së Parisit në Tiranë. Dyshohet se motori është përdorur nga një prej anëtarëve të bandave rivale, gjatë përplasjes mbrëmë në Tiranë.
Motori mendohet se është përdorur nga një prej autorëve për t’u larguar nga lokali ku ndodhi masakra në ish-blloku. Dysohet se autori është larguar me motor nga ish-blloku dhe e ka braktisur atë pranë Kopshtit Botanik, për të humbur gjurmët.
Mendohet se ai është larguar me një automjet pas braktisjes së motorit. Grupi hetimor po kërkon gjurmë dhe prova në mjetin motorik që mund të ndihmojnë hetimet në identifikimin dhe zbardhjen e ngjarjes.
