Mbrëmë në fshatin Gllamnik të Podujevës, një burrë rreth moshës 30 vjeç i ka dhënë fund jetës me litar. Familjarët e kanë gjetur viktimën të varur në një shtëpi, vdekjen e tij e ka konstatuar ekipi mjekësor në vendin e ngjarjes.
Rastin e ka konfirmuar edhe Bekim Bislimi nga zyra për informim në policinë e Podujevës.
“Me datë 03.10.2018 në orën 20:45 kemi pranu informatën për një incident në fsh. Gllamnik-Podujevë. Njësitë relevante të stacionit policor Podujevë, gjithashtu edhe ekipi mjekësor/emergjenca kanë dalë në vendngjarje. Me të arritur në vend, kanë vërejtur një person i cili dyshohej se ishte pa shenja jete. Në ndërkohë ekipi mjekësor, ka konstatuar se personi ishte pa shenja jete. Viktima është i gjinisë mashkullore rreth moshës 30 vjeç”, tha Bislimi.
Trupi i viktimës është dërguar për obduksion, ndërsa Policia po heton rastin.
