Ligjin antishpifje të propozuar nga kryeministri Edi Rama, deputetja e Partisë Demokratike, Orjola Pampuri, e ka konsideruar “ligj kundër opozitës”.
Në një status në Facebook deputetja Pampuri shkruan se “me implementimin e paketës antishpifje, përfundimisht rikthehemi në komunizëm, me ligjin për agjitacion e propagandë”.
Sipas Pampurit, “paketa antishpifje” hartohet për të dënuar këdo që flet kundra Ramës dhe miqve të tij.
“Me implementimin e paketes antishpifje, perfundimisht rikthehemi ne komunizem, me ligjin per agjitacion e propagande. Me hartimin e paketes antishpifje, kryerilindasi nuk e ka fjalen per shpifje te tilla si: Rritje ekonomike, permiresim i sistemit arsimor e shendetesor, permiresim i sherbimeve baze per qytetaret, shendetesi falas, ndihme ekonomike e rritje e punesimit, e shume shpifje te tjera te ketij lloji, qe prej 6 vitesh i degjojme pa pushim.
Por paketa antishpifje hartohet per te penalizuar e denuar kedo qe flet per miqte “e mire” Habilaj, Balilaj, Rraja, drogen e krimin, e shume te tjere si keto. Ja pra qe i vuri dhe vulen e thate sistemit mafjoz qe me mund e perpjekje e ndertoi ne keto 6 vite. Tani jemi ne te gjithe bashke nga e gjithe Shqiperia qe duhet t’i themi “mjaft me”, shkruan Pampuri.
