Autoritet ligjzbatuese greke kanë publikuar identitetet dhe fotografitë e tre shqiptarëve, të arrestuar së fundmi si pjesë e një bande grabitësish në periferinë e Athinës. Ata janë Adrian ose Ronald Çobo, 34 vjeç, Thanas (alias Putos, Dhimas, Vladimir, Andrea, Dhimas) Hysi ose Husi, 45 vjeç, si dhe Vladimir Genaj, 31 vjeç.
Hetimet kanë zbuluar se grupi kishte vepruar të paktën që prej muajit mars të këtij viti, duke grabitje me armë duke vënë shënjestër kryesisht shtëpi dhe apartamente në jug të Athinës, sidomos në Vuliamenit, Vari dhe Glyfada.
Policia greke sqaron se ata kanë vepruar në mënyrë profesionale dhe të organizuar, duke veshur veshje të posaçme për të mos lënë asnjë gjurmë si nga gishtërinjtë ashtu edhe gjurmët e imazheve.
Pasi hynin të armatosur nëpër shtëpi, ata grabisnin sendet me vlerë dhe më pas largoheshin me makina të vjedhura.
Hetimet kanë zbuluar se grupi kriminal kishte arritur të fitonte shuma që i kalojnë 200 mijë eurot.
Policia ka sekuestruar dy automjete, tre pistoleta, një me silenciator, dy thika, 5.800 euro, fishekë të ndryshëm, dorashka dhe kapuçë për mbulimin e fytyrës, bizhuteri, orë dhe monedha të vjetra, dy shkarkues elektrik, një llak djegës, telefona, lëndë narkotike, ID dhe patenta shoferi false. Edhe në të shkuarën, shqiptarët janë përfshirë në veprimtari të tilla, ndërsa 45-vjeçari akuzohet gjithashtu edhe për tentativë vrasjeje dhe falsifikim.
