Situata e rënduar gjatë 24 orëve të fundit nga reshjet e dendura të shiut ka sjellë jo vetëm përmbytjen e shumë qytetarëve dhe banesave, por edhe të atyre që tashmë nuk jetojnë në këtë tokë.
Në Gjirokastër mësohet se janë përmbytur varrezat e qytetit. Spitali po ashtu po “lëngon” nga reshjet e shiut, teksa në katin e parë është futur uji dhe ka përmbytur dhe disa objekte që shërbejnë për ndërtesën.
Situata në qytet paraqitet gjithashtu e rënduar pasi shumë akse kryesore janë përmbytur plotësisht dhe kalimi është vështirësuar së tepërmi.
Pak minuta më parë Instituti i Gjeoshkencave raportoi se situata me reshjet e shiut do të përkeqësohet edhe më tutje këtë të premte. Instituti paralajmëroi se pjesa më e goditur do të jetë jugu i territorit të Shqipërisë.
