Partia Socialiste është tërhequr nga kërkesa për shkarkimin e kryetarit të KQZ, Zguri. Kryeministri Edi Rama ka kërkuar mbrëmjen e sotme në Kuvend nisjen e dialogut me opozitën. Seanca e ardhshme do të mbahet më 4 dhjetor.
Pas kërkesës së kryeministrit Rama për përshpejtim të seancës parlamentare për të shkuar në terren, kreu i PD, Lulzim Basha tha se do të kishte mirëkuptimin e opozitës.
“Marrëveshja e 17 majit krijoi atë konfiguracion në KQZ, është marrëveshja që e vuri Zgurin kryetar dhe nëse marrëveshja ka vdekur, Zguri është dëshmor i parë i vetë marrëveshjes. Por e përsëris këtu.
Ajo që unë thash që ishte mospërdorimi i shumicës për t’i dhënë fund këtij debati sikur e bëtë ju kur ishin në shumicë me KQZ. Ju mund të qëndroni në pozicionin tuaj, ne në tonin. Propozimi im ishte që të mos futet në kalendarin e Kuvendit. Nuk kemi se cfarë diskutojmë më, nuk është sot për të debatuar” deklaroi Rama.
“Raportohet që njerëzit janë bllokuar dhe në Kamëz, ju keni të gjithë mirëkuptimin tonë për të ndërprerë seancën për të shkuar në terren për njerëzit në nevojë,” tha Basha.
