Kryeministri Edi Rama, duke replikuar me kreun e opozitës Lulzim Basha, ka qetësuar atë dhe të gjithë shqiptarët duke deklaruar se janë marrë të gjitha masat e mundshme për të përballuar situatën e përmbytjeve.
Rama ka thënë se kjo situatë ishte e parashikuar ndaj në këto momente të gjitha strukturat e emrgjencave janë të angazhuara në terren.
Megjithatë situata aktualisht duket tepër alarmante në të gjithë vendin, vetëm në ditën e parë të rreshjeve masive.
“Këto përmbytje janë të parashikuara, prangaj kemi marrë çdo masë të mundshme për ta përballuar këtë vështirësi. Kjo vështirësi nuk përballohet me teatër. Tani që po flasim të gjitha forcat janë të angazhuara. Dhe përsa i përket shërbimit të kujdesit shëndetësor aty ku është i ofrueshëm, është në gatishmëri. Prandaj për të qenë i qetë Lulzim, kemi marrë të gjitha masat për ta përballuar këtë situatë’, u shpreh Rama në parlament. / newsbomb.al
