Pranimi i dekretit të presidentit u bë me disa ndryshime, ku kryesorja ishte hapja e garës për projektin. Nga ana tjetër opozita e konsideron ligjin si antikushtetues.
Partia demokratike kishte paralajmëruar se mbledhjen e ardhshme, do ta zhvillojë në qytetin e Vlorës por duket se ligji për Teatrin, po i ndryshon planet.
Në një intervistë ditët e fundit, ish ministreja integrimit Klajda Gjosha lajmëroi se LSI-ja do të mbledhë gupin parlamentar si dhe partitë e opozitës për të diskutuar nëse do të jenë nesër në parlament apo jo.
Sot Basha zhvilloi një takim “urgjent” me intelektualë dhe artistë nga Aleanca për Mbrojtjen e Teatrit në ambientet e selisë së PD. Në qendër të diskutimit ka qenë ligji për teatrin, i cili ditën e nesërme pritet që të diskutohet në Parlament. Mazhoranca një ditë më parë pranoi dekretin e Presidentit Meta, i cili ktheu për rishqyrtim ligjin për teatrin.
Pas takimit me artistët Basha në deklaratë për mediat dha se opozita do ta marrë vendimin nesër. Pritet vetëm të shohim “bëmat” e radhës. Edhe “Aleanca për Teatrin” ka paralajmëruar protestë për ditën e nesërme dhe i ka kërkuar opozitës të jetë në parlament.
/AlpeNews.al
