Ditën e sotme në qytetin e Fierit ka humbur jetën elektriçisti me inicialet S.V rreth të pesëdhjetave, i cili sipas kalimtarëve të rastit ka qenë në kontakt me energjinë elektrike. Kjo ngjarje ka ardhur si pasojë e motit të përkeqësuar gjatë ditës së sotme, ku raportohet që në disa zona të thella ka pasur edhe shkëputje të energjisë elektrike.
Ngjarja e ndodhur është rregjistruar në fshatin Kurjan të qytetit të Fierit. Menjëherë pas ngjarjes ka reaguar edhe Policia e qarkut Fier ku ka bërë publik lajmin për mediat. /Alpenews.al
