Një tjetër rast suksesi nga zyrat e Shërbimit Kombëtar të Punësimit është prezantuar në takimin javor të Kryeministrit Rama me Koordinatorët e Bashkëqeverisjes.Qytetarja Arta Prifti arriti të sigurojë një vend pune si edukatore në një kopësht privat pas ankesës që vjehrri i saj adresoi në takimin e llogaridhënies në Himarë.
Gjatë takimit të në Himarë, vjehrri i saj Andon Prifti u ankua për problemin e nuses se djalit te tij, e cila rezultonte e papunë dhe ka dy fëmijë. Menjëherë koordinatorët e bashkëqeverisjes mbajtën kontaktet me zonjën e cila u punësua nëpërmjet ndërmjetësimit të Shërbimit Kombëtar të Punësimit si edukatore në një kopësht jo publik në Vlorë.
Qytetarja ishe e pranishme në takim ditën e sotme ku prezantoi rastin e saj dhe shprehu falenderime për Kryeministrin si dhe stafin që e ndihmuan deri në fillimin e punës.
“E gjithë vëmendja për Ju” nuk është një slogan, po fryma dhe gërma e punës së përditshme të Platformës shqiperiaqeduam.al, ku deri me sot jane trajtuar 18.628 ankesa, kërkesa, opinione të njerëzve të zakonshëm, në bashkëpunim të drejtëpërdrejtë me anëtarët e kabinetit qeveritar.
Mjafton një klik tek shqiperiaqeduam.al dhe një mesazh i shkurtër nga Ju që e gjithë vëmendja e qeverisë të jetë për Ju dhe hallin a problemin Tuaj🤝
