Përmes debateve të forta, Komisioni i Veprimtarisë Prodhuese ka miratuar dekretin e presidentit Meta për ligjin e Teatrit Kombëtar ku opozita nuk mori pjesë në votim.
“Miratuam në parim dekretin e presidentit për teatrin”, tha Shalsi i cili e hodhi në votim.
Sipas opozitës kjo do të thotë se me këtë miratim ky ligj bie i tëri, ndërsa PS në draftin e ri kërkon vetëm ndërhyrje në disa pika të ligjit.
“Ësshë e turpshme që mbroni kët ligj sot, a keni ndërgjegje, si mundet, jeni bërë gjithë hajdutë e kriminelë”, tha Albana Vokshi.
Gjithashtu edhe deputetja demokrate Jorida Tabaku u shpreh se në momentin që është pranuar dekreti i presidentit, ligji ka rënë i gjithi.
“Për sa kohë që u pranua dekreti i presidentit ligji ka rënë i gjithi”, tha Tabaku.
Por kryetari i komisionit Eduard Shalsi deklaroi se drafti i ri për këtë ligj parashikon ndërhyrje në disa nene për ta përmirësuar ku PS kërkon garë të hapur për të gjithë të interesuarit.
Kreu i komisioni, deputeti socialist Eduard Shalsi tha në mbledhjen e komisionit të veprimtarive prodhuese se ky nuk është rasti i parë i pranimit të dekretit të Presidentit.
Dekreti i Presidentit nuk kaloi në Kuvend por u shty pwr shqyrtim pas deklaratës së KE-së për ligjin e posaçëm për teatrin.
